Na Roma, babola 1600 babengami liboso ya bolakisi mbala ya yambo Bernardette de Lourdes

Jean-René Bompolonga-Kinshasa

“Ezali kitoko kokanisa ete lisano ekopesama liboso ya mbala ya liboso mpo na babola, kutu na Nsango Elamu, likambo ya liboso epesami na babola”. Ezali bongo episkopo ya lokumu Konrad Krajewski, aumônier apostolique, akolimbola likanisi ya liboso ya mbala ya liboso mpo na baye bazangi makoki, mokolo ya mibale ya zomi na minei ya sanza ya liboso, na Auditorium della Conciliazone ya Roma. Na ngonga ya zomi na mitano mpe na minute ntuku misato, pembeni ya 1 600 babola bazuaki ba billet, esika balalaka, na ba cantine mpe na masanga bipayi wapi bavandaka, bakoki kozala na liboso ya mbala ya liboso ya comédie musicale Bernardette de Lourdes, lisano eye esepelisaki bato ebele na ekolo France mpe ezali na manaka ebongisami ya Jubilé. Na nsuka ya lisano, ba Missionnaires ya Charité ya Mère Teresa ya Calcuta bakopesa na baye bakolinga sac moko ezali na eloko ya kolia.

Fatima Lucarini, mokambi ya production ya comédie musicale na Italia, ayebisaki na episkopo ya lokumu Krajewski likanisi na ye ya kolakisa lisano na babola ya Roma, likanisi eye esalemi na lombangu mpe eye bayebisaki na Papa o eleko ya bokutani moko na mokolo ya zomi na mibale ya sanza ya zomi na mibale eleki.

Kobanda mokolo ya zomi na motoba ya sanza ya liboso, comédie musicale ekosalema na Roma sanza mobimba, nsima mokolo ya mwambi ya sanza ya misato na Teatro PalaPartenope ya Naples, mikolo ya zomi na mitano mpe ya zomi na motoba ya sanza ya misato na Teatro Team ya Bari mpe mikolo ya ntuku mibale na mwambi, ntuku mibale na libwa mpe ntuku misato ya sanza ya misato na Teatro Alfieri ya Turin. Na mobu nkoto mibale na ntuku mibale na motoba, lisano ekokoma n’Amerika mpe n’Amérique latine.

O kati ya comédie musicale, ebongisami na mikanda milongobami, ezali lisapo ya Bernardette Soubirous, elenge mwasi oyo ya mobu zomi na minei, mokolo ya zomi na moko ya sanza ya mibale ya mobu nkoto moko nkama mwambi na ntuku mitano na mwambi, pembeni ya mabongo ya Gave, amonaka na libulu ya Massabielle Mwasi moko alati elamba ya pembe oyo, na bobimi misusu na nsima, akomilakisa lokola Libota ya Peto. Comédie musicale ekolakisa mingi molende ya mwana mwasi ya kobatela bosolo ntango ya mituna milayi ya police mpe bakambi ya eklezia. Azalaki na mbula ntuku misato na mitano ntango awaki, nsima ya kotika Lourdes mpe kokota na Congrégation ya ba mamelo ya Charité na Nevers.