Nsima ya mamelo André, mamelo moko akomi lisusu mokolo ya bato

Jean-René Bompolonga- Kinshasa

Bomoi moko ebongisami na losambo. Mokolo ya bato ya ekolo ya Brésil amoni ete bomoi molayi ya ye ewuti na lolenge ya boyambi na ye mpe na bosali Rosario mokolo na mokolo. Koleka maye ya nzoto mpe ya miso na ye na botali mbula na ye, bayebani na ye balobi ete azali kaka na molimo esengo mpe na bobundi makasi.

Bomoi moko ya komibonza

Abotama na mokolo ya mwambi ya sanza ya motoba ya mobu nkoto moko na nkama libwa na mwambi na Sao Francisco ya Assis na sudi ya Brésil, mamelo Inah Canabarro Lucas azali mwana ya motoba na libota moko ezali na bana sambo. Akoli na esika moko ezalaki malamu. Abandi bomoi na ye ya mamelo na mbula zomi na motoba na pensionnat Santa Tereza ya Yezu na Santana Livramento mpe azui baptisimo sima ya mbula moko. Ezali na Montevideo, mboka mokonzi ya Uruguay, epayi asali bilako na ye na mobu nkoto moko na nkama libwa na ntuku mibale na mwambi mpe akomi mamelo ya Sainte- Thérèse de l’Enfant Jésus. Na mobu 1930, azongi na Brésil mpe akotangisa portugais na mathématiques na eteyelo moko ya Tijuca na Rio de Janeiro. Abonzi bomoi na ye na botangisi, wana mpenza na Rio mpe na Santana do Livramento. Kobanda mobu nkoto moko na nkama libwa na ntuku mwambi, oyo azali lelo mokolo ya bato avandi na Casa provincial ya congrégation na ye na Porto Alegre. Mamelo Inah azali na ngambo esusu kokolo ya général moko ya Brésil, David Canabarro, moko ya bakambi ya révolution ya Farroupilha (1835-1845), na Rio Grande do Sul.

Na mibu 110, likabo ya bobenisi ya Papa

Na mobu nkoto mibale na zomi na mwambi, o eleko mamelo akokundola mibu nkama na zomi ya mbotama na ye, azui bobenisi ya Papa François. Mokanda ena ekangami na certificat moko ebakami lelo na bifelo ya congrégation ya ba mamelo. Atako azuaki mangwele ya coronavirus na nkoto mibale na ntuku mibale na moko, azuaki maladi ena na mbula elandaki kasi abikaki.

Mokolo ya bato ya ekolo Brésil azali lelo na mibu nkama moko na zomi na motoba mpe mikolo nkama mibale na ntuku minei na misato. Andimami lokola mokolo ya bato na mokili. Azali bongo mamelo ya mibale ya katoliko ya bozui mbano ena, nsima ya mamelo André, mwana mwasi ya charité ya France, awaki na sanza ya yambo ya nkoto mibale na ntuku mibale na misato na mbula pembeni ya nkama moko na zomi na libwa.