ദൈവവിജ്ഞാനീയ അന്താരാഷ്ട്ര സമ്മേളനം റോമിൽ!

ജോയി കരിവേലി, വത്തിക്കാൻ സിറ്റി

ഒരു ദ്വിദിന അന്താരാഷ്ട്ര ദൈവശാസ്ത്ര സമ്മേളനം റോമിൽ സംഘടിപ്പിക്കപ്പെടും.

ഡിസംബർ 9,10 തീയതികളിലായിരിക്കും ഈ സമ്മേളനം നടക്കുക. സാംസ്കാരിക-വിദ്യഭ്യാസകാര്യങ്ങൾക്കായുള്ള വത്തിക്കാൻ വിഭാഗത്തിൻറെ ആഭിമുഖ്യത്തിൽ ലാറ്ററെൻ പൊന്തിഫിക്കൽ സർവ്വകലാശലയിലായിരിക്കും ഈ സമ്മേളനം. “പൈതൃകവും ഭാവനയും” എന്നതാണ് ഈ സമ്മേളനത്തിൻറെ വിചിന്തന പ്രമേയം.

ഈ സമ്മേളനത്തെ അധികരിച്ച് പരിശുദ്ധസിംഹാസനത്തിൻറെ വാർത്താവിതരണ കാര്യാലയത്തിൽ, അഥവാ, പ്രസ്സ് ഓഫീസിൽ ചൊവ്വാഴ്ച നടന്ന വാർത്താ സമ്മേളനത്തിൽ സാംസ്കാരിക-വിദ്യഭ്യാസകാര്യങ്ങൾക്കായുള്ള വത്തിക്കാൻ വിഭാഗത്തിൻറെ അദ്ധ്യക്ഷൻ കർദ്ദിനാൾ ഷൊസേ തുവന്തീനൊ ദ് മെന്തോൺസെ, അതിൻറെ കാര്യദർശി മോൺസിഞ്ഞോർ ജൊവാന്നി ചേസരെ പഗാത്സി, അന്താരാഷ്ട്ര ദൈവവിജ്ഞാനീയ സമിതിയുടെ പൊതുകാര്യദർശി ദൈവശാസ്ത്രജ്ഞനായ മോൺസിഞ്ഞോർ പീയെറൊ കോദ എന്നിവർ പങ്കെടുക്കുകയും വിശദാംശങ്ങൾ മാദ്ധ്യമപ്രവർത്തകരുമായി പങ്കുവയ്ക്കുകയും ചെയ്തു.