Mgr Gallagher na Cameroun mpo na mibu 10 ya Accord-cadre na Vatican
Secrétaire ya Vatican mpo na boyokani na Bikolo mpe Masanga ya mokili, Mgr Paul Richard Gallagher, akomi na Cameroun mokolo ya minei ya sanza ya zomi na moko 2024 mpo na kosepela likambo ena. Abandi bongo botali ya mikolo minei eye ekokolisa bomipesi ya Vatican mpe Cameroun mpo na makambo ya ntina lokolo boboto, limemia epayi na epayi mpe botomboli ya lokumu ya moto.
Jean-René Bompolonga- Kinshasa
Mgr Paul Richard Gallagher ayambamaki na bato ebele ya ministère eye etalaka Boyokani na bapaya na mpe ntoma ya Papa na Cameroun mpe na Guinée équatoriale, Mgr José Avelino Bettencourt. Baepiskopo Andrew Nkea mpe Phillipe Alain Mbarga, bazali bongo mokambi mpe mokambi molandi ya Lisanga ya ba episkopo ya Cameroun, episkopo ya Yaounde, Mgr Jean Mbarga, mpe basali basusu.
Boyambi ya malamu eye ebongisamaki mpo na Mgr Gallagher na bokiti na ye na pepo o libanda ya pepo ya Yaounde- Nsimalen. Sima ya bosololi ya liboso, ba chorales ya paloisse Basantu Petelo na Polo ya Nsimalen bayembaki alleluia mpe ba nzembo ya Eklezia ya Cameroun, esepelisaki makasi Mgr Gallagher.
Accord-cadre efungoli bikuke mpe mananisa mpo na bipayi mibale
Secrétaire ya Vatican mpo na Boyokani na Bikolo mpe Masanga ya mokili akozala na Cameroun kobanda 14 kino 18 ya sanza ya zomi na moko mpo na boyei na ye eye emonani ete ekozala na litomba na bosololi ya bikolo mibale, lokola Mgr José Avelino Bettencourt alobaki. “Mgr Paul Richard Gallagher azali motindami monene ya Mosantu Papa. Mobembo na ye ezali ya likolo eye ekolakisa ntina papa François azali kopesa n’Accord-cadre wana mpe na Cameroun, pamba tè ezali boyokani kati na bikolo mibale biyebani bongo na Nations Unies”.
Mpo na ntoma ya papa, boyokani ena epesi ngonga ya kokumisa maye masalami kino sik’oyo kati ya boyokani Eklezia-Ekolo. Lokola ndakisa, ntoma ya papa alobi ete “ba congrégation ya losambo ebele bayebani lokola misala ya bosungi bato na lolenge ya mobeko ya Cameroun”. Lisusu, amoni ete boyokani kati na Vatican mpe bulamatari ya Cameroun ekosunga bopesi kimia monene na misala Eklezia ezali kosala mpe “bopesi malamu mpo na kosala malamu”. “Kosepela boyokani ena elingi koloba kotala mpo na lobi, kotala ndenge nini ya kokolisa mpe bozui malamu ya misala misusu lokola eye etali bokoko”, elobi Mgr José Avelino Bettencourt, na bobakisi ete Vatican azali na molongo ya biloko ya bonkoko maye makoki kosunga bana ya Cameroun. “Accord-cadre efungoli ya solo bikuke na mananisa na banso na lolenge wana”, elobaki ye.
Bana banso ya Cameroun babengami mpo na kosepela na mibu 10 y’Accord-cadre
Esali mibu zomi kobanda nzela ya bokomi mikanda ya bosaleli Accord-cadre ezali kosalema, mpe wana nde bikosalema masolo mpo ya bosepeli, mpo na kotelemisa lotomo mpe mokumba ya songolo na pakala. Manaka ya boyei ena ebongisi misa na Basilique mineure Maria Mokonzi ya b’apostolu ya Mvolye, mokolo mwa poso 16 ya sanza ya zomi na moko 2024 na ngonga ya 12h30 mpe conférence ekosalema na Mgr Gallagher na Université catholique d’Afrique centrale (UCAC) na 14h, mokolo mwa 18 ya sanza ya zomi na moko, na mama ya likambo: “La diplomatie du Vatican et l’Accord-cadre”. Babengami na bosepeli mibu zomi y’Accord-cadre bandimi ya ba diocèses nyoso ya Cameroun, ba ndeko musulmans mpe ya ngelesa, ba nkumu ya bokoko, bato ya bulamatari ya Cameroun mpe bato ya Corps diplomatique.
21 November 2024, 17:15
