Papa alobi azali pembeni ya baye bazui mpasi n’attentat n’Allemagne

Jean-René Bompolonga- Kinshasa

Papa ayokaki « na mawa » nsango y’attentat eye esalemi n’Allemagne, na Magdebourg, epayi wapi mokolo ya mitano na mpokwa motuka monene ekoteli bato ebele na zando ya Mbotama ya mboka ena, na bobomi na moke bato mitano, na kati na bango mwana moko ya mibu libwa, mpe koleka bato nkama mibale bazoki. Secrétaire d’Etat ya Vatican, episkopo ya lokumu Pietro Parolin, na mokanda atiaki maboko mpe atindeli mokambi ya ekolo Allemagne, Frank- Walter Steinmeier, mokolo ya poso na mpokwa, papa « akomisangisa na mpasi ya bato bazuamaki wana » mpe « alobi na baye banso bayoki mpasi ete azali pembeni na bango ».

Losambo ya episkopo ya Magdebourg

Ezali na mawa mpe na losambo, episkopo ya Magdebourg, Mgr Gerhard Feige, ye mpe alobi sima y’attentat na zando ya Mbotama ya mboka na ye. « Mingi mpenza na mikolo miye mpe liboso ya feti, epayi wapi liloba ya bolingo ya Nzambe, ya lokumu ya moto mpe likanisi ya mawa ya mokili malamu bizui biso mpenza, likambo ena ezali kobangisa mpe ya mozindo makasi », elobi episkopo na likanisi na ye ya liboso n’agence ya bopanzi nsango ya katoliko y’Allemagne (KNA). « Nakokanisa bato bazali na likambo oyo, balingami na bango mpe na ba bulumbulu bayaki kosukisa likambo ena mpe nakotisi bango na losambo na ngai ».      

Kaka na ngonga ena, Mgr Gerahrd Feige amoni ete lisanga ezui motuna lokola na likambo eye. Esengeli aboya makasi mpenza extrémisme nionso mpe amipesa makasi mpo na kobika na boboto, ndenge ye amoni. Sango mokambi ya cathédrale ya Magdebourg, sango Daniel Rudolf, apesi nsango ete ba aumôniers ya urgence bazalaki wana. Abakisi ete cathédrale Santu-Sebastien ya Magdebourg ekotikala kofungwama mokolo ya poso mpe ekopesa esika mpo na losambo.

Liloba ya lisanga ya ba Eklezia Katoliko mpe Ngelesa

Mokambi ya Lisanga ya ba episkopo y’Allemagne mpe mokambi ya Lisanga ya ngelesa y’Allemagne (EKD), Kirsten Fehrs, balobaki bobangi na bango mokolo ya poso na liloba moko ya lisanga: “Lokola Eklezia, tokolela na mabota ya baye bazui mpasi n’attentat ya somo mpe tokosambela mpo na baye bazoki na baye bakufi mpe mpo na bandeko na bango baye bazali kobanga sik’oyo mpo  na balingami na bango. Bato bayebi likambo te bayoki mpasi na mobulu ya buzoba kaka liboso ya feti ya Mbotama”.        

Bato mitano bakufi, bato ebele bazoki

Mokolo ya mitano na mpokwa, motuka ekoteli bato bazalaki na zando ya Mbotama ya Magdebourg. Bakonzi bamoni ete ezali attentat. Moto oyo emonani ete asali likambo ena akangamaki. Ezali mobali moko ya mibu ntuku mitano, mwana mboka y’Arabie saoudite, eye azali kovanda n’Allemagne kobanda mibu zomi na mwambi mpe akosala lokola monganga ya psychiatrie. Eyebani te mpo na nini motuka ekotaki na zando ya Mbotama atako bikangiseli mpe libanda ya bokengi bizalaki. Motango ya bato emati na bato mitano  mpe koleka bato nkama mibale bazoki, elobaki mokolo ya poso na mokambi ya bulamatari ya région ya Reiner Haseloff.

Eleki mbula mwambi na Berlin

Likambo ena elamusi likanisi y’attentat na zando ya Mbotama ya Berlin. Esali mpenza mbula mwambi. Mokolo ya zomi na libwa sanza ya zomi na mibale mobu nkoto mibale na zomi na motoba, moto asalaki yango azali islamiste, Anis Amri, azuaka bazomi ya bato na motuka ayibaki. Likambo ena ya mpasi ebomaki bato zomi na misato mpe bato ntuku motoba bazokaki, misusu