Папата ја благослови камбаната „Гласот на неродените“

Папата ги потсети Полјаците на потребата да се заштити животот од зачнување до природна смрт. Камбаната ќе замине во Казахстан, каде со своето биење ќе ја буди совеста не само на политичарите, туку и на обичните луѓе за заштита на животот.

На крајот папата Фрањо ги поздрави иницијаторите на оваа иницијатива: Полската фондација „Да за живот“. Безгрешно зачнување на Пресвета Богородица“, давајќи им благослов на сите.

Богдан Романиук од фондацијата „Да за живот“ дошол на идеја за камбана „Глас на неродените“ која би требало да ја разбуди совеста кај луѓето. Кога ја прочитал информацијата дека годишно се убиваат 42 милиони деца како последица на абортус, посакал да создаде симбол кој ќе потсетува дека човечкиот живот е свет.

Првата камбана е направена во 2020 година и беше наменета за Полска, каде се чува во црквата „Сите светци“ во Колбушова, од каде оди на ходочестие во различни центри и маршеви за живот. На камбаната е напишана Божјата заповед „Не убивај“, како и зборовите на бранителот на животот, блажениот отец Јержи Попиелушко: „Животот на детето започнува под мајчиното срце“.

Од тогаш се направени камбани за Украина, Еквадор, Замбија и сега за Казахстан. Сите се осветени од папата Фрањо.