ബോംബെ അതിരൂപതയ്ക്ക് പിന്തുടർച്ചാവകാശമുള്ള മെത്രാപ്പോലീത്ത!

ജോയി കരിവേലി, വത്തിക്കാൻ സിറ്റി

മഹാരാഷ്ട്രയിൽ, ബോംബെ അതിരൂപതയുടെ പിന്തുടർച്ചാവകാശമുള്ള ആർച്ചുബിഷപ്പായി പൂന രൂപതയുടെ അദ്ധ്യക്ഷൻ ബിഷപ്പ് ജോൺ റോഡ്രിഗസിനെ പാപ്പാ നാമനിർദ്ദേശം ചെയ്തു.

ശനിയാഴ്ച (30/11/24)യാണ് ഫ്രാൻസീസ് പാപ്പാ ഈ നിയമന ഉത്തരവ് പുറപ്പെടുവിച്ചത്.

1967 ആഗസ്റ്റ് 21-ന് മുമ്പയിൽ ജനിച്ച ബിഷപ്പ് ജോൺ റോഡ്രിഗസ് 1998 ഏപ്രിൽ 18-ന് പൗരോഹിത്യം സ്വീകരിക്കുകയും 2013 ജൂൺ 29-ന് മെത്രാനായി അഭിഷിക്തനാകുകയും ബോംബെ അതിരൂപതയുടെ സഹായമെത്രാനായി സേവനം ചെയ്യുകയും ചെയ്തു. 2023 മാർച്ച് 25 മുതൽ അദ്ദേഹം പൂന രൂപതയുടെ മെത്രാനായി ശുശ്രൂഷചെയ്തു വരുകയായിരുന്നു.