Ujumbe wa Papa katika kufungua tena Notre Dame:liwe ishara ya kupyaishwa Kanisa la Ufaransa
Na Angella Rwezaula – Vatican.
Katika siku ambayo ilisubiriwa sana, hatimaye imetimia nayo ni ile ya kurudisha Uzuri wa Kanisa kuu la Paris ambalo liliungua moto kwa kiasi kikubwa, mnamo tarehe 15 Aprili 2019, kwa hiyo miaka mitano iliyopita. Ni katika Muktadha huo ambao tarehe 7 Desemba 2024, Kanisa hili zuri la Notre-Dame, (Mama Yetu) pamoja na uzuri wake wote, wa mtindo wa kigothic lilifunguliwa tena na Askofu Mkuu Laurent Ulrich. Kwa uwepo wa Rais wa Nchi hiyo Emmanuel Macron akiandamana na mkewe na meya wa jiji Ana María Hidalgo Aleu. Zaidi ya mafundi elfu mbili, wasanifu na wahandisi waliohusika, na kampuni 250, katika kile kinachokumbukwa kama urejesho mkubwa. Kwa njia hiyo Kanisa hilo kuu likiwa ning’aa tena liliwakaribisha Takriban waamini 1,500 kuanzia na maaskofu 13 wa Ufaransa, mapatriaki wawili wa Mashariki, mji mkuu wa Kiorthodoksi na shirika la Kijeshi la Nchi Takatifu. Viongozi wengi wa serikali na nchi hadi Rais mtarajiwa wa Marekani Donald Trump walidhuria.
Katika mantiki hiyo Baba Mtakatifu Francisko alituma ujumbe kupitia kwa Askofu Mkuu Laurent Ulrich wa jimbo Kuu Katoliki la Paris, ambao ulisomwa na Balozi wa Vatican, nchini Ufaransa, Askofu Mkuu Celestino Migliore: “Nina furaha sana kuungana nawe katika mawazo na sala, pamoja na waamini wote waliokusanyika pamoja, na watu wote waliopo, katika siku hii adhimu ambayo Kanisa lako Kuu linafunguliwa tena kwa ajili ya ibada. Kumbukumbu ya moto mbaya ambao uliharibu sana jengo miaka mitano iliyopita bado iko hai ndani yetu sote. Tulihisi uchungu katika hatari ya kuona kazi bora ya imani ya Kikristo na usanifu ikitoweka, ushuhuda wa karne nyingi wa historia yake ya kitaifa. Leo hii huzuni na maombolezo yanatoa nafasi ya furaha, sherehe na sifa.” Kwa njia hiyo katika ujumbe huo Papa anatoa pongezi kwa wale wote na hasa wazima moto ambao walifanya kazi kwa ujasiri kuokoa mnara huu wa kihistoria kutokana na uharibifu. Pia ametoa pongezi kwa kujitolea thabiti kwa mamlaka ya umma, pamoja na mlipuko mkubwa wa ukarimu wa kimataifa uliochangia urejeshaji. Kasi hiyo ni ishara sio tu ya kushikamana na sanaa na historia, lakini pia hata zaidi na jinsi hiyo inayotia moyo! - ni ishara kwamba thamani ya mfano na utakatifu wa jengo hilo bado unajulikana sana, kutoka mdogo zaidi hadi mkubwa zaidi.
Pia Papa anaheshimu kazi ya ajabu ya kategoria nyingi za kitaaluma ambazo wamejitolea, wakitoa kwa ukarimu wawezavyo kuirejesha Notre-Dame kwenye fahari yake. Ni nzuri na ya kutia moyo kwamba ujuzi wa zamani umehifadhiwa kwa busara na kuboreshwa. Lakini ni jambo zuri zaidi kwamba wafanyakazi na mafundi wengi wameshuhudia kuwa wamepitia tukio hilo la urejesho kama safari ya kweli ya kiroho. Walifuata nyayo za baba zao, ambao imani yao pekee, iliyoishi katika kazi yao, iliweza kujenga kazi bora kama hiyo ambayo ndani yake hakuna kitu kichafu, kisichoeleweka au kichafu kinachopata nafasi. Kwa hiyo, kuzaliwa upya kwa “Kanisa hili la kustaajabisha kuwe na ishara ya kinabii ya kufanywa upya kwa Kanisa lote la Ufaransa”. Papa Francisko amewagukia waamini wa Paris na Ufaransa, kuwa nyumba hiyo ambamo Baba yetu wa Mbinguni anaishi, ni yao: wao ni mawe yake yaliyo hai. Wale waliowatangulia katika imani walijenga kwa ajili yao: uwakilishi na alama nyingi zilizomo zimekusudiwa wao ili waongozwe kwa usalama zaidi kuelekea kukutana na mwanadamu aliyeumbwa na Mungu na kugundua tena upendo wake mkuu.
Zaidi ya hayo, Notre-Dame hivi karibuni itatembelewa na kupendezwa tena na umati mkubwa wa watu wa hali zote, asili, dini, lugha na tamaduni zote, wengi wao wakitafuta ukamilifu na maana ya maisha yao. Papa Francisko aidha ameonesha jinsi gani anavyojua kwamba milango itakuwa wazi kwa ajili yao, na kwamba watajitolea kuwakaribisha kwa ukarimu na uhuru, kama kaka na dada. Shukrani kwa ushuhuda wa jumuiya ya Kikristo, wanaweza kutambua amani inayokaa katika sifa zake, kuonja furaha ya kumjua na kumpenda Bwana ambaye amekuwa na ukaribu, huruma na upole. Na wao, wakiinua mitazamo yao kuelekea nyakati hizi ambazo zimegundua tena nuru, washiriki tumaini lake lisiloshindwa. Papa akiomba ulinzi wa Mama Yetu(Notre-Dame de) wa Paris, juu ya Kanisa la Ufaransa, na kwa Wafaransa wote, kwa moyo wote Papa alitoa Baraka zake kwake Askofu Mkuu wa kanisa hilo, pamoja na watu wote waliohudhuria.
